Thursday, March 29, 2012

ဒေါ်အောင်ဆန်းစုကြည်အပေါ် တပ်မတော်သားတစ်ဦး၏ ရိုးရှင်းပွင့်လင်းသောအမြင် အပိုင်း(၁)

ခေါင်းစဉ်ကိုက ရှင်းရှင်းလေးပါပဲ၊ ဒေါ်အောင်ဆန်းစုကြည်ရဲ့ ယနေ့ပြုမူလှုပ်ရှားပြောဆို လုပ်ကိုင်မှုတွေ အပေါ်  တပ်မတော်သားတစ်ဦးရဲ့ ရိုးရိုးသားသား ရှင်းရှင်းလင်းလင်း ပွင့်ပွင့်လင်းလင်း အမြင်တွေကို ထုတ်ဖော် သွားမှာ ဖြစ်ပါတယ်။
တပ်မတော်သားတစ်ဦးဆိုတဲ့အတွက် တပ်မတော်ရဲ့ သဘောထားလို့ တထစ်ချပြောလို့မရပေမဲ့ တပ်မတော် သားအားလုံးကတော့ ဒေါ်အောင်ဆန်းစုကြည်အပေါ်မှ ဒီလိုအမြင်၊ ဒီလိုသဘောထားတွေရှိနေတယ်ဆိုတာကိုတော့ ယုံကြည်စေချင်ပါတယ်။
 လတ်တလောကာလမှာ ဒေါ်အောင်ဆန်းစုကြည်ရဲ့ ကြားဖြတ်ရွေး ကောက်ပွဲအတွက် နယ်လှည့်ခရီးစဉ် ဟောပြောချက်တွေ၊ ရုပ်မြင်သံကြား ကတစ်ဆင့် ပါတီမူဝါဒဆိုင်ရာထုတ်လွှင့်လျက်တွေအရ ဒေါ်အောင်ဆန်း စုကြည် ရဲ့ တပ်မတော်အပေါ်ထားရှိတဲ့ စိတ်ရင်းအမှန်ကို မြင်တွေ့နေရသလို၊ စကား ထဲကဇာတိပြလာတဲ့ ဒေါ်အောင်ဆန်းစုကြည်ရဲ့ ရှေ့နောက်မညီတဲ့စကားလုံး များကိုလည်း စိတ်မကောင်းစွာ ကြားသိနေရပါတယ်။
အထူးသဖြင့် တပ်မတော်သားအများစုနေထိုင်တဲ့ နယ်မြေတွေကိုရောက်ရင် တပ်မတော်နဲ့ပြည်သူကို သွေးကွဲစေတဲ့ စကားလုံးများကိုသုံးသလို၊ တပ်မတော်သားတွေအနေနဲ့ NLD ပါတီကို မဲထည့်ဖို့အရှက်မရှိ တစာစာ မဲတောင်းခံတာကိုလည်း မြင်တွေ့နေရပါတယ်။ မဲဆွယ်ခရီးစဉ်တွေမှာ တပ်မတော်အနေနဲ့ ဒီမိုကရေစီနိုင်ငံကြီးဖြစ်ဖို့ နိုင်ငံရေးမှာ ပါဝင်ရမယ်လို့ပြောပြီး ပါတီမူဝါဒကို မြန်မာ့ရုပ်သံက ရှင်းလင်းပြောကြားချိန်မှာ အမျိုးသားနိုင်ငံရေး ဆောင်ရွက်နေတဲ့ တပ်မတော်သားတွေကို လွှတ်တော်ကနေဖယ်ရှားဖို့ ပေါ်ပေါ်တင်တင်ပဲ Political Challenges လုပ်သွားခဲ့ပါတယ်။
ဒေါ်အောင်ဆန်းစုကြည်ရဲ့ အသိစိတ်ထဲမှာ တပ်မတော်ဆိုတာ ဒီမိုကရေစီစနစ်အတွက် အနှောက်အယှက် ပြုလုပ်မဲ့ အဖွဲ့အစည်းတစ်ရပ်အနေနဲ့ ယူဆထားဟန်တူပါတယ်။ တပ်မတော်သားတွေကလည်း ဒေါ်အောင်ဆန်း စုကြည်ဆိုတာ တပ်မတော်ကို အင်အားချိနဲ့အောင်၊ တိုင်းပြည်ကိုမတည်မငြိမ်ဖြစ်အောင် လုပ်နိုင်စွမ်းရှိတဲ့ ကြိုးဆွဲ ခံထားရတဲ့ ရုပ်သေးရုပ်အဖြစ်သာ မြင်နေကြပါတယ်။ ဒီလိုဖြစ်ရတာကလည်း မည်သူမမူ မိမိပြုဆိုတဲ့အတိုင်း ၁၉၆၀ ခုနှစ်ကစပြီး ဒေါ်အောင်ဆန်းစုကြည်ရဲ့ ဖြတ်သန်းခဲ့တဲ့ဘ၀တစ်လျှောက် အနောက်တိုင်းပတ်ဝန်းကျင် အသိုင်း အ၀ိုင်းရဲ့နှောင်ကြိုးများကြောင့် ဖြစ်မယ်ထင်ပါတယ်။
ပုဂ္ဂိုလ်ရေးထင်ပေါ်ကျော်ကြားမှုကို အာရုံရောက်လေ့ရှိတဲ့ မြန်မာလူနေမှုဝန်းကျင်မှာ လမ်းပေါ်ကို တက်လာတဲ့ လူထုကိုကြည့်ပြီး ပြည်သူလူထုတစ်ရပ်လုံးကတော့ ဒေါ်အောင်ဆန်းစုကြည်ကို ထောက်ခံပြီလို့ မယူဆ စေခြင်ပါဘူး။ အထူးသဖြင့် အပြောင်းအလဲလိုလားနေတဲ့ ပြည်သူအများစုဟာ ဒေါ်အောင်ဆန်းစုကြည်မရှိလဲ အပြောင်းအလဲကို တောင်းဆိုကြမှာဖြစ်ပါတယ်။ ညှင်သာသောအပြောင်းအလဲကို တည်ငြိမ်အေးချမ်းစွာနဲ့ ပြောင်းလဲ ပေးခဲ့တဲ့ တပ်မတော်ကို ပြည်သူနဲ့ရန်တိုက်ပေးပြီး မင်းမဲ့စရိုက်ဆန်ဆန် လမ်းမပေါ်စည်းမရှိကမ်းမရှိ တက်လာတဲ့ ပြည်သူအားလုံးဟာ NLD ကို အရမ်းချစ်လို့တော့ ဟုတ်ဟန်မတူပါဘူး။
နိုင်ငံတစ်နိုင်ငံမှာ မရှိလို့မဖြစ်တဲ့ တပ်မတော်ဆိုတဲ့အဖွဲ့အစည်းနဲ့ တပ်မတော်နှင့်သက်ဆိုင်တဲ့ လူထု              လူတန်းစားအသီးသီးက ပြည်သူလူထုဟာလည်း အင်အားစုတစ်ခုအနေနဲ့ရှိနေပြီး ဒီအင်အားစုအနေနဲ့ ဒေါ်အောင်ဆန်းစုကြည်ကို ထောက်ခံမှုမရှိဘူးဆိုတာ သတိပြုစေချင်ပါတယ်။ ဒီအင်အားစုက ဒေါ်အောင်ဆန်း စုကြည်ကို မထောက်ခံခြင်းဟာ ဒီမိုကရေစီစနစ်ကို မလိုလားလို့၊ ဒီမိုကရေစီနိုင်ငံတော်သစ်ကို မသွားခြင်လို့ မဟုတ်ပဲ ဒေါ်အောင်ဆန်းစုကြည်ရဲ့ ထင်ရှားတဲ့ လုပ်ရပ်တွေဖြစ်တဲ့ -
    • တပ်မတော်နှင့် ပြည်သူကို သွေးခွဲခြင်း
    • အမျိုးသားနိုင်ငံရေးတာဝန်ထမ်းဆောင်နေသော တပ်မတော်၏ ရပ်တည်ချက်ကို လက်မခံခြင်း
    • နောက်ကွယ်က နှောင်ကြိုးများကို မလွန်ဆန်နိုင်ခြင်းတို့ကို ရှင်းရှင်းလင်းလင်းမင်တွေ့ကြားသိနေရလိုဖစ်ပါတယ်။ ဒီအချက်တွေအပေါ်အခြေခံပြီး တပ်မတော်ကို ဆန့်ကျင်ဘက်အဖွဲ့အစည်းသဖွယ် ပြုမူ ဆက်ဆံပြောဆိုခြင်းများကိုလည်း အထောက်အထားများနှင့် ရှင်းပြလိုပါတယ်။
တပ်မတော်နှင့်ပြည်သူကိုသွေးခွဲခြင်း
 ``ကျွန်မဖေဖေခေတ်တုန်းက တပ်မတော်သားတွေကို ပြည်သူတွေ သိပ်ချစ်ကြတယ်၊ ပြည်သူတွေရဲ့ပြန်လည် ချစ်ခင်မှုကိုပြန်ရဖို့အတွက် တပ်မတော် သားတွေအနေနဲ့ NLD ကို မဲထည့်ဖို့ပြောခြင်ပါတယ်။ တပ်မတော်သား တွေကို ပြည်သူကချစ်ဖို့လိုသလို၊ တပ်မတော်သားတွေကလည်း ပြည်သူကိုအားကိုးဖို့ မြန်မာတပ်မတော်ဟာ နိုင်ငံရဲ့အခြေခံ ဖြစ်ဖို့နဲ့ ပြည်သူတွေအပေါ်ကို စိုးမိုးချင်တဲ့ဆန္ဒမရှိဖို့လိုပါတယ်´´ ဆိုပြီး မတ်လ(၄)ရက်နေ့က ပုဗ္ဗသီရိမြို့နယ်မှာ ပြောကြားသွားခဲ့ပါတယ်။ ဒီပြောကြားချက်များဟာ လက်ရှိတပ်မတော်တွင် တာဝန် ထမ်းဆောင်ဆဲ တပ်မတော်သားများကို စော်ကားမော်ကား ပြောဆိုသွားခဲ့ခြင်းသာ ဖြစ်ပါတယ်။ တပ်မတော်ဟာ ပြည်သူလူထုအတွင်းက ပေါက်ဖွားလာခဲ့ပြီး ပြည်သူများရဲ့ ဘ၀လုံခြုံမှုနဲ့ နိုင်ငံ့အချုပ် အခြာအာဏာ မဆုံးရှုံးရလေအောင်၊ ပြည်ထောင်စုကြီးမပြိုကွဲရအောင် အသက်သွေးချွေးများ ပေးဆပ်နေသူများ ဖြစ်ပါတယ်။ တပ်မတော်ကမလွှဲမရှောင်သာ နိုင်ငံအာဏာလွှဲပြောင်းရယူခဲ့ရခြင်းကို မျက်စိစုံမှိတ်ပြီး ပြည်သူတွေ ကိုနှိပ်စက်ခြင်လို့၊ ပြည်သူတွေကို စိုးမိုးခြင်လို့ဆိုတဲ့ အနောက်မီဒီယာမှိုင်းမိသူများရဲ့ထုံးစံအတိုင်း တပ်မတော်နဲ့ ပြည်သူ ကို ဆန့်ကျင် ဘက်အုပ်စုအသွင်ဖြစ်စေမဲ့ စကားလုံးမျိုး မပြောသင့်ပါဘူး။ အထူးသဖြင့် တပ်မတော် အစိုးရက ခင်းပေးခဲ့တဲ့ လက်ရှိ ဒီမိုကရေစီအပြောင်းအလဲကာလမှ ယခင်အတွေးအခေါ် အယူအဆများကို တတ်နိုင် သမျှ ထိန်းချုပ်သင့်ကြောင်း အကြံပြုလိုပါတယ်။
၁၉၈၈ ခုနှစ်မှာ တပ်မတော်က ဘာကြောင့် နိုင်ငံအာဏာကိုရယူခဲ့ရတယ်၊ စစ်အစိုးရအုပ်ချုပ်စဉ် ကာလအတွင်း ပြည်တွင်းမှာ တည်ငြိမ်အေးချမ်းမှုရှိအောင် ပြည်သူတွေရဲ့ လူနေမှုဘ၀တွေ မြင့်မားတိုးတက် လာအောင်၊ လုပ်ဆောင်ပေးခဲ့တဲ့ စွမ်းဆောင်ချက်များနဲ့ နောက်ဆုံးတည်ငြိမ်အေးချမ်းစွာ ဒီမိုကရေစီစနစ်ကို ကူးပြောင်းပေးခဲ့တဲ့ နိုင်ငံရေးအလှည့်အပြောင်းတွေကို အကျယ်ချဲ့ပြီး မပြောလိုတော့ပါဘူး။
ကျွန်မဖေဖေ (ဗိုလ်ချုပ်အောင်ဆန်း)ခေတ်တုန်းက တပ်မတော်သားတွေကို ပြည်သူတွေက သိပ်ချစ် ကြသလို ကျွန်မဖေဖေ (ဗိုလ်ချုပ်အောင်ဆန်း)လုပ်ကြံခံရပြီးနောက်မှာလည်း ပြည်သူတွေက တပ်မတော်သား တွေကို ချစ်ခင်ဆဲပဲလို့ တပ်မတော်သားများက ခံစားယုံကြည် နေကြပါတယ်။ ကျွန်မဖေဖေ(ဗိုလ်ချုပ်အောင်ဆန်း) ခေတ်တုန်းက တပ်မတော်ရဲ့ရန်သူက ဒေါ်အောင်ဆန်းစုကြည် အမျိုးတွေ(အင်္ဂလိပ်)ဖြစ်ပြီး အဲဒီခေတ်တုန်းက လွတ်လပ်ရေးကြိုးပမ်းမှုဟာ တပ်မတော်ရဲ့ အဓိကတာဝန်ပါ။ ကျွန်မဖေဖေ(ဗိုလ်ချုပ်အောင်ဆန်း)ခေတ်နောက်ပိုင်း တပ်မတော်ရဲ့ရန်သူဆိုတာ ဒေါ်အောင်ဆန်းစုကြည် အမျိုးတွေ (အင်္ဂလိပ်)သွေးခွဲဖန်တီးခဲ့လို့ ဖြစ်ပေါ်ခဲ့တဲ့ ပြည်တွင်း သောင်းကျန်းသူတွေ ဖြစ်တယ်ဆိုတာတော့ နားလည်မယ်ထင်ပါတယ်။
`` ပြည်သူတွေရဲ့ ပြန်လည်ချစ်ခင်မှုပြန်ရဖို့ ´´ ဆိုတဲ့ အသုံးအနှုန်းကတော့ လက်ရှိတာဝန်ထမ်းဆောင်ဆဲ တပ်မတော်သားတွေကို ပြည်သူတွေကပဲ မချစ်ခင်၊ မနှစ်သက်တော့သယောင်ယောင် မိမိစိတ်နဲ့နှိုင်းပြီး ပြောခြင်း ဖြစ်မယ်ထင်ပါတယ်။ တပ်မတော်အပေါ်အညှိုးအတေးရှိနေတဲ့စိတ်ခံစားမှုကြောင့် ပြောဆိုတယ်လို့ဘဲ ယူဆပါတယ်။ NLD ပါတီကို မဲထည့်မှ ပြည်သူတွေက တပ်မတော်ကို ပြန်လည်ချစ်ခင်လာမယ်ဆိုတာ ဘာမှမဆိုင်ဘူးထင်ပါတယ်။
-   တပ်မတော်အတွက် NLD ဘာလုပ်ပေးပါသလဲ.. ? 
- ဒေါ်အောင်ဆန်းစုကြည်အနေနဲ့တပ်မတော်ရဲ့ ရပ်တည်ချက်ကိုနားလည်လက်ခံမှာလား.. ?
- တပ်မတော်အင်အားရှိအောင် ဒေါ်အောင်ဆန်းစုကြည် ဘာလုပ်ပေးဖူးပါသလဲ…? မေးလိုက်ချင် ပါတယ်။
ဗိုလ်ချုပ်အောင်ဆန်းဟာ တပ်မတော်ကို တည်ထောင်ခဲ့သူ တပ်မတော်ဖခင်တစ်ဦးဆိုတာ အငြင်းပွားဖွယ် မရှိပါဘူး။ ဒါပေမဲ့ ဗိုလ်ချုပ် လုပ်ကြံခံရပြီးနောက် တပ်မတော်ကတာဝန်ယူခဲ့ရတဲ့ နိုင်ငံတော်ထူထောင်ရေး၊ နိုင်ငံတော်ကာကွယ်ရေးလုပ်ငန်းစဉ်တွေမှာ တပ်မတော်ဖခင် ဗိုလ်ချုပ်တစ်ယောက်ရဲ့သမီးကဘယ်အခန်းကဏ္ဍမှာမှ မပါရှိဘူးဆိုတာကို လူတိုင်းသိပါတယ်။
လူဆိုတာ ကိုယ့်သမိုင်းကိုယ်ရေးပါတယ်။ တပ်မတော်သမိုင်းကို တပ်မတော်သားများက ရေးသလို ဒေါ်အောင်ဆန်းစုကြည်ရဲ့ သမိုင်းကြောင်းကလည်း ဒေါ်အောင်ဆန်းစုကြည် ကိုယ်တိုင်ရေးခဲ့တာဖြစ်ပါတယ်။ ဒေါ်အောင်ဆန်းစုကြည်ရေးခဲ့တဲ့သမိုင်းကြောင်းအရ တပ်မတော်အပေါ် ထိပ်တိုက်ရင်ဆိုင်မှုနဲ့ တပ်မတော်သား တွေကို အထင်မကြီး၊ မလေးစားပဲ ပြည်သူကို နိုင်ထက်စီးနင်းလုပ်နေတဲ့ အဖွဲ့အစည်းတစ်ခုအဖြစ် ထင်မြင်ယူဆ နေရင်တော့ တပ်မတော်သမိုင်းမှာ ဒေါ်အောင်ဆန်းစုကြည်ဆိုတာ နိုင်ငံတော်ရဲ့အချုပ်အချာအာဏာကို ဆုံးရှုံး အောင်လုပ်သွားနိုင်တဲ့ ဆူးညှောင့်ခလုပ်ပဲ ဖြစ်ပါလိမ့်မယ်။
 ပြည်သူနဲ့တပ်မတော် ဆန့်ကျင်ဘက်အသွင်ဖြစ်စေမဲ့ အပြုအမူ၊ အပြောအဆိုများဟာ တပ်မတော်အင်အား ချိနဲ့ အောင် လုပ်ဆောင်နေခြင်းသာဖြစ်ပါတယ်။ ဒီနေ့ခေတ်ကာ လမှာ တပ်မတော်အပေါ်အမြင်မကြည်လင်သူ၊ တပ်မတော် အပေါ် နိုင်ငံရေးအရဆန့်ကျင်သူ ၊တပ်မတော်ကို စစ်ရေးအရ တိုက်ခိုက်သူများဟာ ဒီမိုကရေစီအရေး၊ လူ့အခွင့်အရေး ဆိုတဲ့ မှိုင်းလုံးကြားမှာ မျက်မှန်စိမ်းတပ်ခံထားရတဲ့ ပြည်သူအချို့ဖြစ်တယ်လို့ တပ်မတော်က ယုံကြည်လက်ခံထား ပါတယ်။ ဒီလိုတပ်မတော်အပေါ် မကောင်းမြင်သူတွေထဲမှာ ဒေါ်အောင်ဆန်းစုကြည်ဟာ ဦးဆောင်မှုပေးနေတဲ့ အဓိကပဲ့ကိုင်ရှင် မဖြစ်စေလိုပါဘူး။ ဖြစ်နေလို့ပြောရတာဖြစ်ပြီး မဖြစ်စေလိုတဲ့ တပ်မတော်သား များရဲ့ ဆန္ဒအမှန်ကိုတော့ ယုံကြည်စေချင်ပါတယ်။ ပြည်သူလူထုတစ်ရပ်လုံးက တပ်မတော်အပေါ် မကောင်းမြင်နေ တာမဟုတ်သလို နိုင်ငံတကာကလည်း တပ်မတော်ကို အထင်ကြီးလေးစားမှုတွေ ရှိနေပါတယ်။
ဒေါ်အောင်ဆန်းစုကြည်ခင်ဗျာ -
တပ်မတော်အပေါ်အမှန်တကယ်ချစ်ခင်ပါတယ်ဆိုရင် ----
တပ်မတော်မိသားစုဝင်တစ်ဦးပါလို့ အမှန်တကယ်ခံယူထားတယ်ဆိုရင် ---
 ပြည်သူနှင့် တပ်မတော်ကို သွေးမခွဲဘဲ ပြည်သူထဲက ပေါက်ဖွား လာတဲ့ ပြည်သူ့တပ်မတော်ကို အားပေးထောက်ခံပြီး နိုင်ငံတော်ကို ကာကွယ်စောင့် ရှောက်နိုင် ရန်အလို့ငှာ တိုင်းပြည်အင်အားရှိအောင် တပ်မတော် အင်အားရှိစေရေး ပြောဆိုပြုမူလုပ်ကိုင် ကြံဆသွားသင့်ပါ ကြောင်း အကြံပြုပါတယ်။

Friday, March 23, 2012

တစ်ဒေါ်လာ ၈၂၀ ကျပ်နှုန်း တရားဝင် သတ်မှတ်မည်


ယခင်က မြန်မာအစိုးရ သတ်မှတ်ထားသည့် တရားဝင်ပေါက်ဈေးမှာ အမေရိကန် ၁ ဒေါ်လာလျှင် ၆ ကျပ်သာ ဖြစ်သည်။ သို့သော် အပြင်ဈေးကွက် (အစိုးရမဟုတ်သောဈေးကွက်)မှာတော့ ၁ ဒေါ်လာလျှင် ၈၀၀ ဝန်းကျင် ဈေးပေါက်ပါသည်။ ၂၀၁၂-၂၀၁၃ မှာတော့ ၈၀၀ ကျပ်နှင့် တွက်သည်ဟု လွှတ်တော်မှာ ပြောသည်။ ဤဈေးကြောင့် ထူးထူးခြားခြား ပြောင်းလဲရန် အကြောင်းမရှိဟု ပညာရှင်များက သုံးသပ်ကြသည်။ ဤငွေလဲနှုန်း ပြုပြင်လိုက်၍ နိုင်ငံခြားရင်းနှီးမြှုပ်နှံမှု များစွာဝင်လာမည်ဟု တွက်၍မရနိုင်ဟုလည်း ဆိုသည်။ မြန်မာပြည်တွင် လျှပ်စစ်ဓါတ်အား၊ တယ်လီဖုန်း၊ ဆက်သွယ်ရေးနှင့် တခြားအခြေခံ အဆောက်အအုံများ လိုအပ်နေသေးသည်။ ထို့နောက် ပြည်ပရင်းနှီးမြှုပ်နှံမည့်သူများ စိတ်ချယုံကြည်လောက်သည့် ဥပဒေလည်း လိုသေးသည်။ လောလောဆယ်မှာ နိုင်ငံခြားရင်းနှီးမှု ဥပဒေများ ပြဋ္ဌာန်းမှုများ လုပ်နေကြောင်း သိရသည်။ မြန်မာနိုင်ငံ၏ ဘဏ်ဝန်ဆောင်မှု လုပ်ငန်းများက အဆင့်နိမ့်နေသေးကြောင်း ပြောဆိုကြသည်။ ဘဏ်လုပ်ငန်းများ အရည်အချင်း တိုးတက်လာမှ နိုင်ငံတကာဘဏ်လုပ်ငန်းများ ဝင်လာမည်ဖြစ်သည်။ ယခုကဲ့သို့ ငွေလဲနှုန်းကို ပြောင်းလဲသတ်မှတ်သည့်အပြင် စီမံခန့်ခွဲမှုလည်း လိုအပ်နေသေးသည်။ ဤပြောင်းလဲမှုကို တည်တံ့အောင်လုပ်ရန်လည်း လိုသည်။ ဘဏ်ဥပဒေများကိုလည်း ပြင်ရမည်ဖြစ်သည်။ နိုင်ငံခြားသုံးငွေဆိုင်ရာ ဥပဒေကိုလည်း ပြင်ရဦးမည်ဖြစ်သည်။ ဗဟိုဘဏ် ဧပြီလမှ စတင်၍ ဈေးကွက်ပေါက်ဈေးအတိုင်း နှုန်းရှင်စနစ်ဖြင့် ငွေလဲနှုန်းကို ကျင့်သုံးရန် ပြင်ဆင်နေကြောင်း သိရသည်။ တစ်ဒေါ်လာလျှင် ၈၂၀ ကျပ်နှုန်းမှာ လာမည့် ရက်သတ္တပတ်အတွင်း ဖြစ်လာဖွယ်ရှိကြောင်း သိရသည်။ အဓိကကမူ ရင်းနှီးမြှုပ်နှံရန်လာသည့် စီးပွားရေးလုပ်ငန်းရှင်များမှ ဝင်ငွေများသည် တိုင်းပြည်အတွက် လူထုအတွက် အမှန်တကယ် အကျိုးရှိ၊ မရှိနှင့် ၄င်းငွေများ ပြည်သူလူထု ခံစားရမှသာ တိုင်းပြည်အကျိုးရှိမည် ဖြစ်ကြောင်းသိရှိရသည်။
 Myanmar Expressမှကူးယူဖော်ပြသည်...။

ကြားဖြတ်ရွေးကောက်ပွဲကျင်းပမည့် မဲဆန္ဒနယ်များ


၁။ ကချင်ပြည်နယ်
(က) ပြည်သူ့လွှတ်တော်(၃)နေရာ
ဖားကန့်၊ မိုးကောင်း၊ ဗန်းမော်၊
၂။ စစ်ကိုင်းတိုင်းဒေသကြီး

(က) ပြည်သူ့လွှတ်တော်(၃)နေရာ
စစ်ကိုင်း၊ ပုလဲ၊ မင်းကင်း
(ခ) အမျိုးသားလွှတ်တော်(၂)နေရာ
(ကန့်ဘလူ-ကျွန်းလှ-ရေဦး-တန့်ဆည်) (ဗန်းမောက်-ကောလင်း-၀န်းသို-ပင်လယ်ဘူး)
၃။ တနင်္သာရီတိုင်းဒေသကြီး

(က) ပြည်သူ့လွှတ်တော်(၂)နေရာ
ကျွန်းစု၊ လောင်းလုံ
၎။ ပဲခူးတိုင်းဒေသကြီး

(က) ပြည်သူ့လွှတ်တော်(၄)နေရာ
တောင်ငူ၊ ထန်းတပင်၊ သနပ်ပင်၊ လက်ပံတန်း၊
(ခ) အမျိုးသားလွှတ်တော်(၁)နေရာ
(အုတ်တွင်း-ထန်းတပင်)
(ဂ) တိုင်းဒေသကြီးလွှတ်တော်(၁)နေရာ
(က၀-၂)
၅။ မကွေးတိုင်းဒေသကြီး

(က) ပြည်သူ့လွှတ်တော် (၅) နေရာ
မကွေး၊ ရေစကြို၊ မြိုင်၊ ပခုက္ကူ၊ ပွင့်ဖြူ
(ခ) အမျိုးသားလွှတ်တော် (၁)နေရာ
(တောင်တွင်းကြီး)
၆။ မန္တလေးတိုင်းဒေသကြီး

(က) ပြည်သူ့လွှတ်တော် (၁၀)နေရာ
ဇဗ္ဗူသီရိ၊ ပုဗ္ဗသီရိ၊ ဒက္ခိဏသီရိ၊ ဥတ္တရသီရိ၊ ကျောက်ပန်းတောင်း၊ နွားထိုးကြီး၊ တံတားဦး၊ မဟာအောင်မြေ၊ မိတ္ထီလာ၊ ပြင်ဦးလွင်။
၇။ မွန်ပြည်နယ်

(က) ပြည်သူ့လွှတ်တော် (၁)နေရာ
မော်လမြိုင်
၈။ ရန်ကုန်တိုင်းဒေသကြီး

(က) ပြည်သူ့လွှတ်တော် (၆)နေရာ
ကော့မှူး၊ သုံးခွ၊ ဒဂုံ(ဆိပ်ကမ်း)၊ မရမ်းကုန်း၊ မင်္ဂလာတောင်ညွန့်၊ လှည်းကူး။
၉။ ရှမ်းပြည်နယ်

(က) ပြည်သူ့လွှတ်တော် (၁)နေရာ
ကလော
(ခ) အမျိုးသားလွှတ်တော် (၁)နေရာ
(လာရှိုး-တန့်ယန်း-မိုင်းရယ်-သိန္နီ-ကွမ်းလုံ)
၁၀။ ဧရာဝတီတိုင်းဒေသကြီး

(က) ပြည်သူ့လွှတ်တော် (၅)နေရာ
ပုသိမ်၊ မအူပင်၊ မြောင်းမြ၊ ၀ါးခယ်မ၊ မြန်အောင်
(ခ) အမျိုးသားလွှတ်တော် (၁)နေရာ
(ဖျာပုံ-ဒေးဒရဲ)
(ဂ) တိုင်းဒေသကြီးလွှတ်တော် (၁)နေရာ
(ရေကြည်-၂)
မိုကောင်းမဲဆန္ဒနယ်တွင် ၀င်ရောက်ရွေးချယ်ခံမည့် ပြည်သူ့လွှတ်တော် ကိုယ်စာလှယ်လောင်များ အမည်စာရင်း
၁။ ဦးမိုးမြင့်မြတ် (NDF)
၂။ ဒေါ်ခင်ကြည် (NLD)
၃။ ဦးစိုင်းသန်းတင့်အောင် (SNDP)
၎။ ဦးထွန်းထွန်းအောင် (USDP)
၅။ ဒေါက်တာတူးဂျာ (တစ်သီးပုဂ္ဂလ)
ဗန်းမော်မဲဆန္ဒနယ်တွင် ၀င်ရောက်ရွေးချယ်ခံမည့် ပြည်သူ့လွှတ်တော် ကိုယ်စာလှယ်လောင်များ အမည်စာရင်း
၁။ ဦးဘမြင့် (NLD)
၂။ ဦးတင်ဌေး (တစည)
၃။ ဦးမြင့်စိုး (USDP)

ဖားကန့်မဲဆန္ဒနယ်တွင် ၀င်ရောက်ရွေးချယ်ခံမည့် ပြည်သူ့လွှတ်တော် ကိုယ်စာလှယ်လောင်များ အမည်စာရင်း
၁။ ဒေါ်ဘောက်ဂျာ (NDF)
၂။ ဦးစိုင်းသိန်းထွန်း (USDP)
၃။ ဦးဒါရှီလဆိုင်း (NLD)




ဝင်ရောက်ယှဉ်ပြိုင်ကြမည့် ပါတီများ
၁။ တိုင်းရင်းသား စည်းလုံးညီညွှတ်ရေးပါတီ
၂။ လားဟူအမျိုးသားဖွံ့ဖြိုးတိုးတက်ရေးပါတီ
၃။ ကိုးကန့်ဒီမိုကရေစီနှင့်ညီညွတ်ရေးပါတီ
၎။ ပအိုဝ်းအမျိုးသားအဖွဲ့ချုပ်(PNO)
၅။ ဒီမိုကရက်တစ် ပါတီ(မြန်မာ)
၆။ မွန်ဒေသလုံးဆိုင်ရာဒီမိုကရေစီပါတီ
၇။ ရှမ်းတိုင်းရင်းသားများဒီမိုကရက်တစ်ပါတီ
၈။ အမျိုးသားနိုင်ငံရေးမဟာမိတ်များအဖွဲ့ချုပ်
၉။ ခေတ်သစ်ပြည်သူ့ပါတီ
၁၀။ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ
၁၁။ အမျိုးသားဒီမိုကရေစီအင်အားစု
၁၂။ ပြည်သူ့ဒီမိုကရေစီပါတီ
၁၃။ အမျိုးသားဒီမိုကရေစီပါတီသစ်
၁၄။ ညီညွတ်ရေးနှင့်ငြိမ်းချမ်းရေးပါတီ
၁၅။ အမျိုးသားဒီမိုကရေစီအဖွဲ့ချုပ်
၁၆။ မြန်မာ့လူဘောင်သစ်ဒီမိုကရက်တစ်ပါတီ
၁၇။ မြန်မာအမျိုးသားကွန်ဂရက်ပါတီ

Myanmar Expressမှကူးယူဖော်ပြသည်။

ကြိုတင်မဲပေးမယ့်သူတွေအတွက် ရက်သတ်မှတ်ပြီ


ကြားဖြတ်ရွေးကောက်ပွဲအတွက် ဥပဒေအရ ကြိုတင်မဲပေးခွင့်ရှိသူတွေက လာမယ့် မတ်လ ၃၀ ရက်နဲ့ ၃၁ ရက် နံနက် ၆း၀၀ နာရီကနေ ညနေ ၆း၀၀ နာရီအတွင်း သက်ဆိုင်ရာ ရပ်ကွက်နဲ့ ကျေးရွာအုပ်စု ကော်မရှင်အဖွဲ့ခွဲတွေမှာ ကြိုတင်မဲပေးရမယ်လို့ သိရှိရပါတယ်။ ရွေးကောက်ပွဲမှာ မဲပေးပိုင်ခွင့်ရှိသူက မဲရုံကို ကိုယ်တိုင်မလာရောက်နိုင်တဲ့အတွက် သက်ဆိုင်ရာကနေ ကြိုတင်မဲ တောင်းခံပြီး ကိုယ်တိုင်ကြိုတင် ဆန္ဒပြုထားတဲ့ မဲလက်မှတ်ကို လုံခြုံအောင် စာအိတ်နဲ့ ပိတ်ထည့်ပြီး သက်ဆိုင်ရာကို ပေးပို့တဲ့ မဲလက်မှတ် ဖြစ်ပါတယ်။ မြို့နယ်ကော်မရှင်ရုံးက ကြိုတင်မဲတွေကို ပါတီတွေက ရွေးချယ်ထားတဲ့ မဲရုံကိုယ်စားလှယ်တွေရှေ့မှာပဲ မဲရေတွက်သွားမယ်လို့ ဒဂုံဆိပ်ကမ်းမြို့နယ် ကော်မရှင်ရုံးမှ တာဝန်ယူဖြေကြားပေးသူ ဝန်ထမ်းတစ်ဦးထံက သိရပါတယ်။ သက်ဆိုင်ရာ ရပ်ကွက်နဲ့ ကျေးရွာအုပ်စု ကော်မရှင်ကို ပေးပို့တဲ့ ကြိုတင်မဲတွေကိုလည်း ဧပြီ ၁ ရက်နေ့ မနက် ၆း၀၀ နာရီမတိုင်မီ မဲရုံမှူးဆီ ပေးပို့ရမှာ ဖြစ်တယ်လို့ သိရတယ်။ ဒဂုံဆိပ်ကမ်းမြို့နယ် ကော်မရှင်ရုံးမှ တာဝန်ရှိသူဝန်ထမ်းတစ်ဦးက “၂၀၁၀ တုန်းက ဒီမြို့နယ်မှာ ရတဲ့ကြိုတင်မဲက သုံးရာခိုင်နှုန်းပဲ ရှိပါတယ်။ ကြိုတင်မဲကြောင့် နိုင်သွားတာ၊ ရှုံးသွားတယ်ဆိုတာ မရှိပါဘူး။ ဒီကြားဖြတ်ရွေးကောက်ပွဲမှာလဲ ကြိုတင်မဲမှာ မဲလိမ်တာမျိုး မရှိအောင် လုပ်သွားဖို့ ကျွန်တော်တို့ဘက်က တစ်ရာ ရာခိုင်နှုန်း အပြည့် အာမခံပါတယ်” လို့ ပြန်လည်ဖြေကြားခဲ့ကြောင်းကို  MEG သတင်းထောက်တစ်ဦးမှ မှတ်တမ်းတင်ခဲ့သည်။


Myanmar Expressမှကူးယူဖော်ပြသည်။

တော်ပါပြီ ဒေါင်းရယ်


ဟိုးတုန်းကတော့ ဒေါင်းပျိုပေါ့.. ဒီလောက် နှစ်တွေကြာမှတော့ ဒေါင်းအိုတွေ ဖြစ်ကုန်ပါပြီ.. အမွှေးတွေ အတောင်တွေ လည်း မစုံတော့ဘူး..။ တုန်တုန်ရင်ရင် လှုပ်စိလှုပ်စိ၊ မပျက်မသားနဲ့..။ အမွေဆက်ခံတဲ့ ဒေါင်းတွေကော မရှိဘူးလား မဟုတ်ပါဘူး.. ရှိပါတယ်။ ဒါပေမယ့် ဒေါင်းသွေးစစ်စစ် မဟုတ်တော့ပါဘူး.. ပက်ဝန်းကျင်က လင်းတ သွေးတွေ ရောကုန်ကြပါပြီ.. ဒီတော့ ဒေါင်းပေါက်လေးတွေက ဒေါင်းတစ်ပိုင်း၊ လင်းတ တပိုင်း ဖြစ်လို့..။ ဒေါင်းအိုတွေနဲ့ ဒေါင်းတပိုင်း လင်းတ တပိုင်း ပေါက်စတွေနဲ့ကလည်း မကြာခဏ ရန်ဖြစ်.. အဲ့ဒီ မျိုးမစစ်ဒေါင်းတွေနဲ့ ဒေါင်းအိုတွေကြားမှာ မြန်မာနိုင်ငံကြီးလည်း စိတ်ဓာတ်ရေးရာတွေ များစွာ ပျက်စီး ယိုယွင်းနေပါပြီ..။ နိုင်ငံကောင်းအောင် တစ်ခုမှလည်း မလုပ်တဲ့အပြင်၊ ကန့်လန့် တိုက်နေတာတွေ ရပ်သင့်ပြီ..။ ဘာမသိ ညာမသိ လူငယ်၊ လူကြီး ရဟန်းတွေလည်း အနီးမှာရှိတဲ့ မျိုးမစစ်ဒေါင်းလင်းတ တွေကြောင့် မိုက်ရူးရဲတွေလုပ်ခဲ့ကြလို့ သွေးမြေကြရတာလည်း အကြိမ်ကြိမ်ပါပဲ။ အဝေးက မျိုးမစစ် ဒေါင်းလင်းတ များကလည်း ဒေါင်းပုံလေးပြပြီး တောရေး၊ တောင်ရေး (တောကူး၊ တောင်ကူး ဆိုရင် ပိုမှန်ပါလိမ့်မယ်၊ ကိုယ်ပိုင် နိုင်ငံရေးအသိ၊ နိုင်ငံရေးလေ့လာမှုနဲ့ ရေးတာ တစ်ခုမှမရှိပါဘူး) တွေကြောင့်.. ပြည်ပရောက် လူငယ်တွေလည်း လင်းတစိတ်တွေဝင်ကုန်ကြပြီး အားရင် မြန်မာနိုင်ငံကြီးကို ထိုးဆိတ်ချင်နေကြပါတော့တယ်။ ကိုယ်တိုင်မထိုးဆိတ်နိုင်ရင်တောင် လင်းတကြီးများကို အားကိုပြီး ထိုးဆိတ်ခိုင်းနေကြတော့ ရှေ့ကိုမရောက်တော့ဘူး။ ဒေါင်းခေတ်လည်း ကုန်တာကြာပါပြီ.. ဒေါင်းအိုတွေလည်း ဖင်ပြောင်နေပါပြီ..။ ဒေါင်းပြပြီး ဒေါ်လာတောင်းနေတဲ့ ဘလော့တွေလည်း ရှက်သင့်ပါပြီ.......။

Sunday, March 11, 2012

နိုင်ငံရေးကို နှာခေါင်းရှုံ့ခဲ့တဲ့ ရေပေါ်စီလူတန်းစားတွေ

“မြန်မာ လူမျိုးများရဲ့ နိုင်ငံရေး အသိအမြင် ဗဟုသုတက နိမ့်ကျနေသေး လေတော့ ဒီမိုကရေစီ စနစ် အောင်မြင်ပါ့မလား” အသက်နှစ်ဆယ်၊ အစိတ်ဝန်းကျင် လူငယ်တွေနဲ့ စကားပြောကြတိုင်း ဒီမေးခွန်း တစ်ခုကို မေးမြဲဖြစ်တယ်။ သူတို့ စိတ်ထဲမှာ အနောက် နိုင်ငံကြီးတွေလို ဖွံ့ဖြိုး တိုးတက်နေတဲ့ နိုင်ငံကြီးတွေမှ ဒီမိုကရေစီ အောင်မြင်နိုင်တယ်လို့ ထင်မှတ် နေကြဟန် ရှိပါတယ်။ တချို့ကျတော့လည်း နိုင်ငံရေးဆိုတာ နှာခေါင်း ရှုံစရာလို့ ယူဆပြီး တစ်သက်လုံး ဝေးဝေးရှောင်ခဲ့တဲ့ ရေပေါ်ဆီ လူတန်းစား “အီလစ်”(elite) တွေ ပြောတဲ့ စကားသံတွေ ကြားပြီး “နဝေတိမ်တောင်” ဖြစ်နေကြပုံ ရပါတယ်။


အပေါ်ယံမှာ ဝေ့ကာဝဲကာ
ရေပေါ်ဆီ လူတန်းစား ဆိုတာက အများအားဖြင့် ခေတ်တိုင်း ခေတ်တိုင်းမှာ ရေပေါ်ဆီလို အပေါ်ယံမှာချည်း ဝေ့နေလေ့ရှိလို့ ရေပေါ်ဆီ လူတန်းစားလို့ ခေါ်တာဖြစ်တယ်။ သူတို့က မြို့ကြီးသားတွေ ဖြစ်တော့ လည်လည်ပတ်ပတ် ရှိကြတယ်။ ဘယ်သူ တန်ခိုးရှိသလဲဆိုတာ ကောင်းကောင်းသိပြီး တန်ခိုးရှိသူတိုင်းနဲ့ တည့်အောင်ပေါင်း အမြတ်ထုတ်တတ်ကြတယ်။ ပေါင်းနေတဲ့ သူ တန်ခိုးအရောင် မှိန်သွားရင် ချက်ချင်းစွန့်ခွာပြီး အရောင်တောက်သူကို ပြေးကပ်လေ့ ရှိတယ်။ ရာသီဥတုကို လိုက်ပြီး အရောင် ပြောင်းတတ်တဲ့ လူစားမျိုးတွေ ဖြစ်ကြတယ်။ ခေတ်တိုင်း ခေတ်တိုင်း အပေါ်ယံလွှာမှာချည်း ဝေ့ကာဝဲကာ နေကြ လေတော့ လူတွေကို အမြဲတမ်း ငုံကြည့်လေ့ရှိတယ်။ တန်ခိုးရောင် ပြိုးပြိုးပြက်ပြက် လက်တဲ့သူ မဟုတ်ရင် ဘယ်သူ့ကိုမှ အထင်ကြီးတာ မဟုတ်ဘူး။ဒီတော့ လူတွေကြား ဘယ်တော့မှ မနေဘူး။ လူတွေ အကြောင်းလည်း ဘာမှမသိဘူး။ လူတွေ အကြောင်း မသိတော့ တိုင်းပြည် နိုင်ငံအကြောင်းလည်း ဘာမှ မသိပါဘူး။ စင်ကာပူ နိုင်ငံကြီး တိုးတက်ပုံတွေ၊ နယူးယောက် မြို့တော်ကြီး စည်ကားပုံတွေ အကြောင်း အများကြီး ပြောနိုင်ပေမယ့်၊ လယ်ဆိုတာ ဘာလဲ၊ ယာဆိုတာ ဘာလဲ၊ ကိုင်းဆိုတာ ဘာလဲလို့ မေးရင်တောင် မှန်အောင် ဖြေနိုင်တာ မဟုတ်ပါဘူး။

ဆယ်ဆသာတယ်
ဒီလို လူတွေဟာ တိုင်းရေးပြည်ရေး နိုင်ငံရေးဆိုတာ သူတို့လို ရေပေါ်ဆီတွေနဲ့ပဲ ဆိုင်တယ်။ လက်လုပ်လက်စား လူသာမန် တွေနဲ့ လားလားမှ ထိုက်တန်တာ မဟုတ်ဘူး။ ဒီမိုကရေစီရဲ့ အနှစ်သာရဆိုတာ ပညာတတ် ရေပေါ်ဆီတွေသာ သဘောပေါက် နားလည်နိုင်တာမျိုး ဖြစ်တယ်၊ ဆင်းရဲလို့ ပညာကောင်းကောင်း မသင်နိုင်တဲ့ သူတွေရဲ့ နိုင်ငံရေး အသိပညာ ရေချိန်ဟာ အင်မတန် နိမ့်တယ်။ ဒီလူတွေနဲ့ ဒီမိုကရေစီ တည်ဆောက်လို့ မရသေးဘူးလို့ ကျယ်ကျယ်လောင်လောင် ပြောလေ့ ရှိကြတယ်။ ဒီစကားတွေ ကြားပါများတော့ လူငယ်တွေက နားယောင်ပြီး ဟုတ်နိုးနိုး ထင်နေရှာကြတာ ဖြစ်တယ်။ အဲဒါကြောင့် မြန်မာလူမျိုးဟာ တခြား နိုင်ငံကြီးသားတွေလောက် နိုင်ငံရေး အသိမမြင့်ဘူး ဆိုတောင်မှ နိုင်ငံရေးဆိုတာ နှာခေါင်းရှုံ့စရာ သဘောထားပြီး ဘယ်တုန်းကမှ နိုင်ငံရေးကိစ္စ တွေမှာ မပါဝင်ခဲ့ဖူးတဲ့ ရေပေါ်ဆီ လူတွေထက်တော့ ဆယ်ပြန် ဆယ်ဆမက နိုင်ငံရေးအသိ မြင့်မားတယ်လို့ ရှင်းပြလိုက်ရ ပါတယ်။

လိမ်မှန်းညာမှန်းမသိတဲ့ လူမျိုး
မြန်မာလူမျိုးဟာ တခြား နေရာများမှာ ညံ့ချင်ညံ့မယ်။ နိုင်ငံရေး အသိမှာတော့ ထိပ်တန်းက ရှိနေတဲ့ လူမျိုးဖြစ်တယ်။ နယ်ချဲ့ အစိုးရက ၉၁ဌာန အုပ်ချုပ်ရေးတို့၊ ဒိုမီနီယံ အဆင့်ပေးမယ် တို့နဲ့ လှည့်စားခဲ့ပေမယ့် လိမ်တာကို လိမ်မှန်းသိ၊ ညာတာကို ညာမှန်းသိလို့ လုံးဝ လွတ်လပ်ရေးမှ တစ်ပါး ဘာမှ မလိုချင်ဘူးလို့ အပြတ် ပြောခဲ့တာပါ။ ပါးစပ်ပြောသာ မဟုတ်ဘူး။ လက်တွေ့မှာလည်း မရရတဲ့နည်းနဲ့ ယူမယ်ဆိုတာ အထင်အရှား ပြခဲ့တာပါ။ ဂျပန်ခေတ်မှာလည်း ဂျပန်ပေးတဲ့ လွတ်လပ်ရေး နဲ့တင် ကျေနပ် ရောင့်ရဲ မနေခဲ့ပါဘူး။ လိမ်တာကို လိမ်မှန်းသိလို့ တော်လှန်ရေးဆင်နွှဲ အောင်ပွဲခံခဲ့တာ ဖြစ်တယ်။ ရှေးလူကြီးတွေကသာ ပေးတာလေးယူပြီး ရောင့်ရဲနေလိုက်ကြရင် ဒီနေ့ လွတ်လပ်တဲ့ မြန်မာလူမျိုးရယ်လို့ ရှိလာမှာ မဟုတ် ပါဘူး။

ရန်/ငါပြတ်လို့
လွတ်လပ်ရေး အတွက် တိုက်ပွဲဝင်ခဲ့ကြတဲ့ ဘိုးဘွားများကို ကျေးဇူးတင်စရာ ကောင်းလှပါတယ်။ သူတို့တစ်တွေ ရည်မှန်းချက် တိကျ ခိုင်မာပြီး၊ ရန်/ ငါ ပြတ်သား ခဲ့ကြလို့သာ လုံးဝ လွတ်လပ်ရေး ရခဲ့တာပါ။ ဒီကနေ့ အာဆီယံ နိုင်ငံတွေ ထဲမှာ ဝင့်ဝင့်ကြွားကြွား ဖြစ်နေတဲ့ မလေးရှား နိုင်ငံဆိုရင် ၁၉၅၇ ခုနှစ်ကျမှ လုံးဝ လွတ်လပ်တဲ့ နိုင်ငံတစ်ခုအဖြစ် ရောက်ရှိ လာခဲ့တာပါ။အဲဒါကြောင့် မြန်မာလူမျိုးများကို နိုင်ငံရေးအသိ နိမ့်ကျတယ် ဆိုတဲ့ စကားကို လုံးဝ လက်မခံပါဘူး။ မြန်မာပြည် က ရေပေါ်ဆီ လူတွေလောက်က ပြောတာသာ မဟုတ်ပါဘူး။ သူတို့ အထင်ကြီး ကိုးကွယ်တဲ့ အနောက် နိုင်ငံကြီးတွေက မြန်မာ့အရေး ကျွမ်းကျင်သူလို့ ကိုယ့်ဟာကိုယ် ကင်ပွန်းတပ်ထားတဲ့ “နိုင်ငံရေးဂုရု” ဆိုသူတွေ ပြောတာလည်း လက်မခံ ပါဘူး။ မြန်မာပြည်မှာ နေပြီး နယ်ချဲ့ဒဏ်၊ ဖက်ဆစ်ဒဏ်၊ ပြည်တွင်း စစ်ဒဏ်တွေကို ကျောကော့အောင် ခံခဲ့ရတဲ့ မြန်မာလူမျိုး တွေလောက် မြန်မာ့ နိုင်ငံရေးကို နားလည်တဲ့လူ ဘယ်မှာမှ မရှိနိုင်ပါဘူး။

မျက်နှာပြောင်သူတွေ
မျက်ကန်း မျိုးချစ်စိတ်နဲ့ ဒီလိုပြောတာ မဟုတ်ပါဘူး။ အဲဒီ ကိုယ့်ဟာကိုယ်ခန့်တဲ့ “ဂုရု”တွေ ရေးတဲ့ စာအုပ်တွေ အများကြီး ဖတ်ထားဖူးလို့ ပြောတာပါ။ ဆင်စွယ် ရဲတိုက်ကြီးတွေ ထဲက စာအုပ်တွေမှာ လှန်လှောရှာဖွေပြီး သူများတကာ ရေးထားတဲ့ သီအိုရီတွေနဲ့ ချိန်ညှိပြီး ရေးသား ထားတာမျိုး တွေသာ များပါတယ်။ နိုင်ငံရေး ဆိုတာ သိပ္ပံပညာရပ် တစ်ခု ဖြစ်ပေမယ့်လို့ ဂျီသြမေကြီ တွက်သလို၊ သင်္ချာတွက်သလို၊ တွက်လို့ဖြစ်တာ မဟုတ်ပါဘူး။ နိုင်ငံရေး ဆိုတာ လူတွေနဲ့ တိုက်ရိုက် ပတ်သက် နေတာ ဖြစ်လို့ လူတွေရဲ့ ဘဝ၊ လူတွေရဲ့ ခံစားချက်ကို အလေးထားပြီး စဉ်းစားဖို့ လိုအပ်ပါတယ်။ လူတွေ ကြားမဝင်ဖူးတဲ့ ရေပေါ်ဆီ “အီလစ်”တွေနဲ့ နိုင်ငံခြားသား “ဂုရု”တွေက မြန်မာလူမျိုးတွေရဲ့ ဘဝ၊ မြန်မာလူမျိုးတွေရဲ့ ခံစားချက်ကို မြန်မာတွေထက် ပိုသိတယ်လို့ ပြောရင်တော့ တော်တော် မျက်နှာပြောင်တဲ့ လူတွေပဲလို့သာ ကောက်ချက်ချလိုက်ရတော့မှာ ဖြစ်ပါတယ်။


လူထုစိန်ဝင်း

Saturday, March 10, 2012

ပြောလည်းပြောချင်စရာပါလား.....အမေ

ပြောလည်းပြောချင်စရာပါလား.....အမေရေ......ဘယ်လို ယုံကြည်မှုနဲ့  နိုင်ငံတော်အာဏာကိုလွဲပေးနိုင်ပါ့မလဲ?
အရင်ဆုံး အမေ့ သားတွေကို စည်းကမ်းရှိအောင် အရင်သင်ပေးလိုက်ပါအုန်းဗျာ...ပြည်သူတွေကို ချစ်တယ်
ပြည်သူတွေကိုအလေးထားတယ်ဆိုအခုတော့ အမေ တို့ အဖွဲကသက်သေတွေပြနေကြပြီပေါ့ ....အမေချစ်တယ်ဆိုတာ ဘာလဲ? မိုက်လေးတစ်လုံးနဲ့ စင်မြင်ပေါ်တက်ပြောရတဲ့ အချိန်ကလေးပဲလားအမေ.....လူဆိုတဲ့ အမျိုးကလည်း အာဏာမှာရစ်မှုးပျော်ပါးတတ်တယ်ဆိုတဲ့ စကားက အမေ အတွက်ရောမှန်နေပြီလား........? ကို့ ကိုချစ်တဲ့ ပြည်သူတွေကို ကိုကဆိုဆုံးမရင်ရနိုင်ပါတယ်အမေ အမေ့ အနေနဲ့ စည်းကမ်းရှိကြပါ....လိုက်နာကြပါ လို့  တခွန်းတလေမပြောပဲ အမေဘာစကားတွေကို မြိန်ရှည်ရှက်ရေ နဲ့ အမေပြောနေပါသလဲ..? အမေ အကြီးကြီးတွေမပြောပါနဲ့ အုန်း အခုအမေလုပ်နိုင်တဲ့  အမေ့ကိုချစ်တဲ့  အမေ့ပြည်သူတွေကို အမေစည်းကမ်းရှိအောင်လုပ်ပေးလိုက်ပါအုန်း အမေစွမ်းနိုင်မယ်ဆိုပေါ့။
ပြည်သူတွေဆိုတာ ကို့ ရဲ့ သားသမီးတွေပါလို့ အမေပြောဖူးတယ်နော် အလိုလိုက်တဲ့ သား တနေ့ အမေ့ ကိုဒုက္ခပေးမှာမဆိုးရိမ်ဘူးလား.....အမေလိုချင်ပါတယ်ဆိုတဲ့  စစ်မှန်တဲ့ ဒီမိုကရေစီ....ကျွန်တော့်တော့ ရင်လေးမိပါတယ်အမေ... အပ်ကြောင်းထပ်နေတဲ့ အမေ မိန့် ခွန်းတွေနဲ့  အမေလေ....အခုချိန်ထိ ကျွန်တော့်တို့ အပေါ်ဘာလုပ်ပေးခဲ့ သေးလို့ လဲ.....အမေကတော့ပြောမှာပေါ့ ငါ့မှာလုပ်ပိုင်ခွင့်မှ မရှိတာတဲ့ ..
ဒါဆိုရင်တော့အမေ ကအခွင့်အရေးသမားကြီးပေါ့....လူတော်တွေဆိုတာ...အခွင့်အရေးကိုစောင့်မျော်ပြီး.....ကံကိုသာရိုးမယ်ဖွဲ့ မယ်ဆိုရင်တော့
အခုချိန်ထိ ကမ္ဘာမှာ လူချွန်လူကောင်းတွေရှိလာနိုင်မှာမဟုတ်ဘူးဗျာ.....။ ကျွန်တော်ဂုဏ်ယူချင်တယ် အမေ....အမေ့ရဲ့  အစွမ်းကြောင့်ရတာပဲလိုချင်ပါတယ်....ဒါပေမယ့် အမေက လက်ညှိုးထိုးပြချင်လောက်အောင် စံနမှုနာထားချင်လောက်အောင် ကောင်းကွက်တွေရှာနေတာ ကျွန်တော် အခုချိန်ထိ မတွေ့ သေးပါလား အမေ.....အခု အမေ့နောက်ကိုလိုက်နေကြတဲ့ အမေ့ ကိုချစ်ပါတယ်ဆိုတဲ့ အမေ့ သား၊သမီးတွေက မတူကွဲပြား ထင်မြင်ချက်လက်တစ်ဆုတ်နဲ့ အရင်အစိုးရကို မကြိုက်လို့ ဆိုတဲ့ အတွေးလေးနဲ့ အမေ့ နောက်ကို ဘုမသိဘမသိနဲ့ လိုက်နေကြတာ.....မသိရင်အမေရယ်....ကုလားဘုရားပွဲလှည့်နေသလိုပဲ......အမေ့ သားတွေကပြောကြသေးတယ်အမေ....
ငါကNLDကဆိုပြီး...လမ်းပြောင်းပြန်ယာဉ်တွေမောင်းလို့ အမေကဒါတွေကိုများ ခွင့်ပြုထားသလားအမေ ။အမေ စဉ်းစားကြည့်ပါ ရပ်ကြည့်နေတဲ့ သူတယောက်အနေနဲ့  အမေ ကိုယုံကြည်ချင်ပေမယ့် ယုံကြည်လို့ မရဘူး အစကတည်းက မြန်မာနိုင်ငံကိုကယ်တင်ပါမယ်ဆိုတဲ့ ရည်ရွယ်ချက်အမေ့မှာရှိခဲ့ လို့ လား.....အမျိုးကိုမချစ်လို့ တောင်အမေကတိုင်းတပါးသားနဲ့ တောင်ယူခဲ့ သေးတာပဲအမေ....အမေ့သမီးတွေကိုအမေ ဘယ်လို သွန်သင်ဆုံးမကြမလဲ....အမေ ။အမေ့ အစားရင်မောမိပါတယ်...“ ငါ့လိုပဲ တိုင်းတပါးသားယူ ကောင်းတယ်”လို့ အမေထောပနာတွေပြုနေမလား......ဟူး......ရင်မောမိပါတယ်အမေ......ကိုယ်ချင်းစာတရားမရှိ စာနာစိတ်မရှိတဲ့ အမေ့ တို့ လိုအဖွဲ့ အစည်းမျိုးတော့.....နိုင်ငံတော်ကြီးကိုပုံအပ်မယ့်အရေး စဉ်းစားဖို့ တော့လိုနေပြီအမေ............။